Market Speculations ko confirm karte hue, Adani Power ne Annouce kiya hai ko wo share market se apne shares ko delist karenge. Pehle Vedanta, aur fir Adani, kaise aur kyun Indian companies delist kara rahe hain ye ek interesting topic hia aur aaj hum Adani power ke is decision ko analyze karenge.
Adani Power History
Pichle 1 saal me Adani shares ka highest price raha hai 71 INR. shares ke aas paas. March 2020 ke start se Adani Powers ka share girne laga aur 3rd June day end tak 38 INR/ share ke aas paas tha. Hum log saaf saaf dekh sakte hain ki lockdown se pehle hi Adani Powers ka shares girne laga tha. Adani Power ka overall market debt march 2019 me 54980 Crore INR tha. Isme se 10% offshore debt tha, jiska matlab hai ke ye debts outside India banks se liye gaye hain. Adani Power India ka largest Thermal Power generation company hai. Inka total power generation capability 10440 MW hai jo desh ke 4 plants, Gujarat, Maharashtra, Karnataka aur Rajasthan se aata hai. 40 MW ka solar plant bhi hai Gujarat me. TOtal power sector me adani ka share hai 3%. To sawal, ye hai ke Adani Power ke is decision ke peeche kya reason hai. Kya badhta debt hi main reason hai? Kya Corona Virus ke wajah se jo power demand me kaami aayi hai, uske liye Adani Power ko lag raha hai ke wo ebt recover nahi kar payenge?
Delisting Plan
Adani Power ke Board of Directors ka meeting hona tha 3rd June ko. Isme Delisting ke decision ke baare me discussion hona tha aur isko approve karna tha. Is meeting ki details aur age ka plan hum aapko jald hi batayenge. Ab tak hume ye pata hai ke Adani Power ne buyback price ko 36.40 INR/ share rakhha hai. Adani power me minority shares, matlab third party owned shares ka amount hai 25.03%. Iske hisaab se unko delisting ke liye 3513 Crore INR ka kharcha aayega. Ye is market me kaafi bada amount hai. Vedanta ne bhi market me metals aur mining goods ki kaami ko dekhte hue delisting ka faisla liya tha aur unka delisting ka price offer tha 87.50 INR per share. Vedanta ka YTD high lagbhag 140 INR per share ke aas paas tha aur iske wajah se unke shareholders unse bahut zyada khush nahi the. Adani power ka YTD highest value 73 INR ke as paas tha, ab dekhna ye hai ke investors ko ye delisting ka half price kaisa lagta hai.
Kyun Ho rahe Hain Delistings?
SEBI ke naye guidelines ke wajah se companies ke liye Delisting karna asaan ho gaya hai. Aur SEBI ke regulations aise hai ki Delisting prices ka reference date market fluctuations se affected nahi hoti hai. Jab regulations hi aise hai ki wo investors ko favor nahi karte to companies iska fayda uthayegi ye to normal hai. Isiliye jab bhi companies dekh rahi hai ki share market down hai aur aage bhi upar jaane ke chances kam hai, to kyun na company ko wapas private me le liya jaye aur restructuring ya fir company stake sell karke debt ko chuka diya jaye. Bhale hi investors ko isme kitni hi losses ka saamna kyun na karna pade. Mushkil waqt me chote investors ke baare me agar market nahi sochegi to investors market chor denge aur fir share market me profit kamana lagbhag namumkin ho jayega. Isiliye Vedanta, United Spirits, Adani Power jaise companies man marzi ke hisaab se mushkil waqt me investors ka saath chor raghe hai. Adani Power ka official statement ye hai ki delisting ke baad wo company ke funds ko better manage kar payenge, jo resources public image ko maintain karne me aur markt portfolio ko manage karne me jaa rahi thi usko productive areas me lagayenge. Isse company profit ke raaste me wapas aayegi. Shayad iske baad wo fir IPO launch karegi aur fir public usko high prices me subscribe karegi. Lekin investors ko aise companies ke baare me informed rehna padega jo sirf unke acche time pe investors ke paas aati hai, aur bure waqt me saath chor jaati hai. Aise khabron me humari nazar rahegi, aap bhi nazar banaye rakheein. Stay safe, Stay Invested.
